contact

NOSSA SPORTA:

Catalog online: Tuot nossas medias sun registradas online. Cun ün agen conto d’ütilisader as poja eir svutrar davent da chasa in nossa sporta, reservar medias o tillas prolungar. Il pled clav per quista sporta po gnir retrat in nossa biblioteca.

Prolungaziuns: Davo esser annunzchà, s’haja la pussibilità da prolungar svessa las medias imprastadas.

No lain render attent, cha mincha prolungaziun da DVDs maina automaticamaing cun sai ün nouv import d’impraist (vis gio dals abunamaints da DVDs da l’on).

Natüralmaing pon jent gnir fattas las prolungaziuns eir inavant pro no in biblioteca.

Reservaziuns: In nos catalog da medias s’haja la pussibilità da reservar las medias giavüschadas be cun ün clic.

Quist po però eir gnir fat inavant directamaing pro no in biblioteca. Cur cha’l titel reservà es pront in biblioteca,  S’infuormaina subit.

Giavüschs: Propostas e giavüschs pigliaina gugent incunter persunalmaing dürant ils uraris d’avertüra in biblioteca o lura cun ün e-mail.

Computer per giasts: Per nossa cliantella sta a disposiziun in biblioteca ün computer cun access dad internet